Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 98-1} yārai nī em il pukutarvāy ōrum
• {KALI 98-2} putuva malar tērum vaṇṭu ē pōl yāḻa
• {KALI 98-3} vatuvai viḻavu aṇi vaikal um kāṭṭiṉai āy
• {KALI 98-4} māṭṭu māṭṭu ōṭi makaḷir tara tara
• {KALI 98-5} pūṭṭu māṉ tiṇ tēr puṭaitta maṟuku ellām
• {KALI 98-6} pāṭṭu ātal cāṉṟa niṉ māya parattaimai
• {KALI 98-7} kāṭṭiya vantamai kaippaṭuttēṉ paṇṭu elām
• {KALI 98-8} kēṭṭu um aṟivēṉ maṉ yāṉ
• {KALI 98-9} teri kōtai am nallāy tēṟīyal vēṇṭum
• {KALI 98-10} poru karai vāy cūḻnta pū mali vaiyai
• {KALI 98-11} varu puṉal āṭa tavirntēṉ peritu eṉṉai
• {KALI 98-12} ceyyā moḻivatu evaṉ
• {KALI 98-13} ōo puṉal āṭiṉāy eṉa um kēṭṭēṉ puṉal āṅku ē
• {KALI 98-14} nīḷ nīr neṟi katuppu vārum aṟal āka
• {KALI 98-15} māṇ eḻil uṇ kaṇ piṟaḻum kayal āka
• {KALI 98-16} kār malar vēynta kamaḻ pūm parappu ākam
• {KALI 98-17} nāṇu ciṟai aḻittu naṉpakal vanta a
• {KALI 98-18} yāṇar putu puṉal āṭiṉāy muṉ mālai
• {KALI 98-19} pāṇaṉ puṇai āka pukku
• {KALI 98-20} āṉātu aḷittu amar kātalōṭu a puṉal āṭi
• {KALI 98-21} veḷippaṭu kavvaiyai yāṉ aṟital añci
• {KALI 98-22} kuḷittu oḻukiṉāy eṉa um kēṭṭēṉ kuḷittāṅku ē
• {KALI 98-23} pōrtta ciṉattāṉ puruva tirai iṭā
• {KALI 98-24} ārkkum ñekiḻattāṉ nal nīr naṭai taṭpa
• {KALI 98-25} cīr taka vanta putu puṉal niṉṉai koṇṭu
• {KALI 98-26} īrttu uyppa kaṇṭār uḷar
• {KALI 98-27} īrttatu urai cāl ciṟappiṉ niṉ nīr uḷḷam vāṅka
• {KALI 98-28} purai tīr putu puṉal veḷḷattiṉ iṉṉum
• {KALI 98-29} karai kaṇṭatū um ilai
• {KALI 98-30} nirai toṭīi poyyā vāḷ tāṉai puṉai kaḻal kāl teṉṉavaṉ
• {KALI 98-31} vaiyai putu puṉal āṭa tavirntatu ai
• {KALI 98-32} teyvattiṉ tēṟṟi teḷippēṉ peritu eṉṉai
• {KALI 98-33} ceyyā moḻivatu evaṉ
• {KALI 98-34} meyyatu ai malku malar vēynta māya putu puṉal
• {KALI 98-35} pal kāl um āṭiya celvuḻi olki
• {KALI 98-36} kaḷaiñar um il vaḻi kāl āḻntu tērōṭu
• {KALI 98-37} iḷa maṇal uḷ paṭal ōmpu muḷai nēr
• {KALI 98-38} muṟuvalārkku ōr nakai ceytu